Contents show
ஒத்துழையாமை இயக்கம்
காரணங்கள்
- ஒத்துழையாமை இயக்கத்தைத் தொடங்குவதற்கு இரண்டு உடனடி காரணங்கள் கிலாபத் மற்றும் பஞ்சாப் தவறுகள் ஆகும்.
- கிலாபத் பிரச்சினை பிரிட்டிஷ் ஆட்சியாளர்களின் உறுதிமொழிகளுக்கு எதிராக இசுலாமிய புனிதத் தலங்களின் கட்டுப்பாட்டை துருக்கிய சுல்தானிடமிருந்து இசுலாம் அல்லாத சக்திகள் தங்கள் கட்டுப்பாட்டில் எடுத்துக்கொண்டது
- ஜாலியன்வாலாவில் நிகழ்த்தப்பட்ட குற்றத்திற்காக பிரிட்டிஷ் விசாரணை நீதிமன்றங்கள் ரெஜினால்ட் டயர் மற்றும் மைக்கேல் ஓ‘டயர் ஆகியோரை முற்றிலுமாக விடுவித்தது.
கிலாபத் இயக்கம்
- முதல் உலகப் போரில் துருக்கியின் சுல்தான், நேச நாடுகளுக்கு எதிராக அச்சு நாடுகளுடன் இணைந்து ரஷ்யாவைத் தாக்கினார்.
- போருக்குப் பிறகு பிரிட்டன், துருக்கியின் நிலையை பலவீனப்படுத்த முடிவு செய்து செவ்ரெஸ் ஒப்பந்தம் கையெழுத்தானது. இவ்வொப்பந்தம் கலீபாவின் அதிகாரத்தை ரத்து செய்தது
- கலிபாவின் அதிகாரம் நீக்கப்பட்ட நடவடிக்கையை உலகெங்கிலும் உள்ள முஸ்லிம்கள் எதிர்க்க முடிவு செய்தனர்.
- அலி சகோதரர்கள் – மௌலானா முஹம்மது அலி மற்றும் மௌலானா ஷௌகத் அலி ஆகியோரின் தலைமையில் இந்தியாவில் உள்ள முஸ்லிம்களும் தங்களை ஒருங்கிணைத்து கிலாபத் இயக்கத்தைத் தொடங்கினர்.
- ஒட்டமான் சாம்ராஜ்யத்தை ஆதரிப்பதும், இந்தியாவில் பிரிட்டிஷ் ஆட்சிக்கு எதிராக எதிர்ப்பு தெரிவிப்பதும் இதன் நோக்கமாக இருந்தது.
- மௌலானா அபுல் கலாம் ஆசாத், எம்.ஏ.அன்சாரி, ஷேக் ஷௌகத் அலி சித்திக் மற்றும் சையது அதாவுல்லா ஷா புகாரி போன்ற ஏராளமான முஸ்லிம் தலைவர்கள் இயக்கத்தில் இணைந்தனர்.
- முஸ்லீம் புனித இடங்கள் சுல்தானிடம் ஒப்படைக்கப்பட வேண்டும் என்றும் அவரால் கட்டுப்படுத்தப்பட வேண்டும் என்றும் அவர்கள் கோரினர்.
- இஸ்லாமிய நம்பிக்கையைப் பாதுகாக்க சுல்தானுக்கு போதுமான பிரதேசம் இருக்க வேண்டும் மற்றும் ஜசிரத்-உல்-அரபு (அரேபியா, சிரியா, ஈராக் மற்றும் பாலஸ்தீனம்) அவரது இறையாண்மையின் கீழ் இருக்க வேண்டும் என்றும் அவர்கள் கோரினர்.
- 1919 ஆம் ஆண்டு நவம்பர் மாதம் டெல்லியில் நடைபெற்ற அகில இந்திய கிலாபத் மாநாட்டிற்கு காந்தி தலைமை தாங்கினார்.
- அல்லாஹு அக்பர், வந்தே மாதரம் மற்றும் இந்து – இஸ்லாமுக்கு ஜெய் ஆகிய மூன்று தேசிய முழக்கங்களோடான ஷௌகத் அலியின் முன்மொழிவை காந்தி ஆதரித்தார்.
- 9 ஜூன் 1920 அன்று அலகாபாத்தில் நடந்த கிலாபத் கமிட்டி கூட்டம் காந்தியின் அகிம்சை ஒத்துழையாமை திட்டத்தை ஏற்றுக்கொண்டது.
- ஒத்துழையாமை இயக்கத்தைத 1920 ஆகஸ்ட் 31 அன்று தொடங்க இருந்தது.
- தமிழ்நாட்டில் கிலாபத் தினம் 1920 ஏப்ரல் 17 அன்று மௌலானா ஷௌகத் அலி தலைமையில் நடைபெற்றது.
- முஸ்தபா கமால் பாஷாவின் தலைமையில் துருக்கி மக்கள் கிளர்ச்சியில் எழுந்து சுல்தானின் அரசியல் அதிகாரத்தைப் பறித்து, கலிபா முறையை ஒழித்து, மதமும் அரசியலும் ஒன்றாகச் செல்ல முடியாது என்று அறிவித்தபோது கிலாபத் பிரச்சினை தேவையற்றதாக மாறியது.
ரவுலட் சட்டம்
- இந்திய கவுன்சில் சட்டம் 1919 மற்றும் அதே ஆண்டு ரவுலட் சட்டம் வெளியிடப்பட்டன.
- மத்திய சட்டமன்றத்தில் தேர்ந்தெடுக்கப்பட்ட ஒவ்வொரு உறுப்பினரும் மசோதாவை எதிர்த்த போதிலும், அரசாங்கம் மார்ச் 1919ல் ரவுலட் சட்டத்தை நிறைவேற்றியது.
- இந்தச் சட்டம் எந்தவொரு குடிமகனையும் விசாரணையின்றி கைது செய்ய அரசாங்கத்திற்கு அதிகாரம் அளித்தது.
- காந்தி அதை ‘கருப்புச் சட்டம்‘ என்று அழைத்தார், இதற்கு எதிர்ப்புத் தெரிவிக்கும் வகையில் 1919 ஏப்ரல் 6 அன்று நாடு தழுவிய சத்தியாக்கிரகத்திற்கு அழைப்பு விடுத்தார்.
- காந்தியால் நிறுவப்பட்ட ‘சத்யாகிரக சபை‘, முதலில் சட்டத்தை மீறுவதாக உறுதியளித்தது.
- இந்த மாற்றத்தின் சின்னம் காதியாக இருந்தது, அது விரைவில் தேசியவாதிகளின் சீருடையாக மாறியது.
- காந்தி கைது செய்யப்பட்டு பஞ்சாப் செல்ல அவருக்கு அனுமதி மறுக்கப்பட்டது.
ரவுலட் சத்தியாகிரகம் (தமிழ்நாடு)
- 1919 மார்ச் 18 அன்று மெரினா கடற்கரையில் நடந்த கூட்டத்தில் காந்தி உரையாற்றினார்.
- மெரினா கடற்கரையில் முழு நாளையும் உண்ணாவிரதம் மற்றும் பிரார்த்தனைக்காக அர்ப்பணித்தனர்.
- சென்னை சத்தியாக்கிரக சபை உருவாக்கப்பட்டது.
- கூட்டத்தில் ராஜாஜி, கஸ்தூரிரங்கர், எஸ்.சத்தியமூர்த்தி, ஜார்ஜ் ஜோசப் ஆகியோர் உரையாற்றினர்.
- 6 ஏப்ரல் 1919 அன்று “கருப்புச் சட்டத்திற்கு” எதிர்ப்புத் தெரிவிக்கும் வகையில் ஹர்தால் ஏற்பாடு செய்யப்பட்டது.
- தொழிலாளர்களின் தனிக் கூட்டத்தில் வி.கல்யாணசுந்தரம் (திரு.வி.க) மற்றும் வாடியா ஆகியோர் உரையாற்றினர்.
- உழைக்கும் வர்க்கத்தினர், மாணவர்கள் மற்றும் பெண்கள் அதிக அளவில் பங்கேற்றது இயக்கத்தின் முக்கிய அம்சமாகும்.
ஜாலியன்வாலாபாக் படுகொலை
- பைசாகி நாளில் (சீக்கியர்களின் வசந்தகால அறுவடைத் திருவிழா), 13 ஏப்ரல் 1919 அன்று அமிர்தசரஸில் உள்ள ஜாலியன்வாலாபாக்கில் ஒரு பொதுக்கூட்டம் ஏற்பாடு செய்யப்பட்டது.
- சத்யபால் மற்றும் சைபுதீன் கிட்ச்லு கைது செய்யப்பட்டதைக் கண்டித்து இரண்டாயிரத்திற்கும் மேற்பட்டோர் அமைதியான முறையில் அந்த இடத்தில் கூடி போராட்டம் நடத்தினர்.
- பஞ்சாபின் லெப்டினன்ட் கவர்னராக மைக்கேல் ஓ’டையர் மற்றும் ராணுவ தளபதி ஜெனரல் ரெஜினால்ட் டயர்.
- ரெஜினால்ட் டயர் வெடிமருந்துகள் தீரும் வரை இயந்திரத் துப்பாக்கிகள் மற்றும் துப்பாக்கிகளால் கூட்டத்தின் மீது துப்பாக்கிச் சூடு நடத்த உத்தரவிட்டார்.
- அதிகாரபூர்வ மதிப்பீடுகளின்படி 379 பேர் கொல்லப்பட்டனர் மற்றும் ஆயிரத்துக்கும் மேற்பட்டோர் காயமடைந்தனர். அதிகாரபூர்வமற்ற மதிப்பீடுகள் ஆயிரத்திற்கும் அதிகமான எண்ணிக்கையைக் கொண்டிருக்கின்றன.
- இக்கொடிய நிகழ்வுக்கு எதிராக பல பிரபலங்கள் தங்கள் பட்டங்களைத் துறந்தனர், அவர்களில் ரவீந்திரநாத் தாகூரும் ஒருவர்.
- ரவீந்திரநாத் தாகூர் தனது நைட் ஹூட் பட்டத்தை திருப்பிக் கொடுத்தார்.
- காந்தி தனது கைசர்-இ-ஹிந்த் பதக்கத்தை ஒப்படைத்தார்.
ஒத்துழையாமை இயக்கத்தின் துவக்கம்
- 1920 ஆகஸ்ட் 31 முதல் ஒத்துழையாமை இயக்கத்தைத் தொடங்க கிலாபத் மாநாடு முடிவு செய்தது.
- 1920 செப்டம்பரில் கல்கத்தா சிறப்பு அமர்வில் காங்கிரஸ் கூடி, சுயராஜ்யம் நிறுவப்படும் வரை காலனித்துவ அரசுடன் ஒத்துழைப்பதில்லை என்ற காந்தியின் முன்மொழிவை ஏற்க தீர்மானித்தது.
- ஒத்துழையாமை இயக்கத்தில் பள்ளிகள், கல்லூரிகள், நீதிமன்றங்கள், அரசு அலுவலகங்கள், சட்டமன்றங்கள், வெளிநாட்டுப் பொருட்களைப் புறக்கணித்தல், அரசு வழங்கிய பட்டங்கள் மற்றும் விருதுகளைத் திரும்பப் பெறுதல் ஆகியவை அடங்கும்.
- பின்னர் டிசம்பர் 1920 இல் சேலம் சி.விஜயராகவாச்சாரியார் தலைமையில் நாக்பூர் அமர்வில் தீர்மானம் நிறைவேற்றப்பட்டது.
- காங்கிரஸை விரிவுபடுத்தும் வகையில், கிராமங்களுக்குச் சென்று, நான்கு அணா (25 பைசா) என்ற பெயரளவு கட்டணத்தில் கிராம மக்களை காங்கிரசில் சேர்க்க முடிவு செய்யப்பட்டது.
ஒத்துழையாமை இயக்கத்தின் கூறுகள்:
- அனைத்துப் கௌரவபட்டங்களையும் கௌரவ அலுவலக பொறுப்புகளையும் சமர்ப்பித்தல்.
- அரசுப் பணிகளில் பங்கேற்காமல் இருத்தல், வழக்கறிஞர்கள் பங்கேற்காமல் புறக்கணித்தல் மற்றும் நீதிமன்றத் வழக்குகளை தனியார் நடுவர் மன்றம் மூலம் தீர்த்துக்கொள்ளுதல்.
- சட்டமன்றம், அரசுப் பள்ளிகளைப் புறக்கணித்தல்.
- சுதேசிக் கோட்பாட்டைப் பரப்புதல்.
- சிவில் அல்லது இராணுவ பதவியை ஏற்க மறுத்தல்.
இந்தியாவில் இயக்கத்தின் பரவல்
- காந்தி, அலி சகோதரர்களுடன் சேர்ந்து நாடு தழுவிய சுற்றுப்பயணம் மேற்கொண்டார்.
- இந்தியர்கள் அகிம்சை வழியில் ஒத்துழையாமை இயக்கத்தில் பங்கேற்றால் ஒரு வருடத்திற்குள் சுயராஜ்யம் பெற்றுத்தருவதாக காந்தி உறுதியளித்தார்.
- ஆச்சார்யா நரேந்திர தேவ், சி.ஆர்.தாஸ், லாலா லஜ்பத் ராய், ஜாகிர் உசேன், சுபாஷ் போஸ் (கல்கத்தாவில் உள்ள தேசிய கல்லூரியின் முதல்வரானார்) ஆகியோரின் தலைமையில் கல்வி நிறுவனங்கள் ஏற்பாடு செய்யப்பட்டன.
- மேலும் அலிகாரில் தில் ஜாமியா மில், காசி வித்யாபீடம், குஜராத் வித்யாபீடம் மற்றும் பீகாரில் வித்யாபீடம் ஆகிய கல்வி நிறுவனங்கள் நிறுவப்பட்டன.
- பல வழக்கறிஞர்கள் தங்கள் பயிற்சியை கைவிட்டனர், அவர்களில் சிலர் மோதிலால் நேரு, ஜவஹர்லால் நேரு, சி.ஆர்.தாஸ், சி.ராஜகோபாலாச்சாரி, சைபுதீன் கிட்ச்லு, வல்லபாய் படேல், ஆசஃப் அலி, டி.பிரகாசம் மற்றும் ராஜேந்திர பிரசாத்.
- வெளிநாட்டுத் துணிகள் பகிரங்கமாக எரிக்கப்பட்டதால் அவற்றின் இறக்குமதி பாதியாகக் குறைந்தது.
- அலி சகோதரர்கள் முஸ்லீம்களை இராணுவத்தில் இருந்து ராஜினாமா செய்ய அழைப்பு விடுத்தனர்.
- நவம்பர் 1921ல், வேல்ஸ் இளவரசரின் இந்திய வருகை வேலைநிறுத்தங்கள் மற்றும் ஆர்ப்பாட்டங்களுக்குத் தூண்டியது.
- மத்திய வாரிய வரிகளுக்கு எதிராக – மிட்னாபூர் (வங்காளம்) மற்றும் குண்டூர் (ஆந்திரா) ஆகிய இடங்களில் வரி கொடா இயக்கம் நடந்தது.
- தேயிலை தோட்டங்களில் வேலைநிறுத்தங்கள் – அசாம்,
- இரயில்வே சேவைகளில் வேலைநிறுத்தங்கள் – அசாம் – பெங்கால் இரயில்வே (ஜே.எம். சென்குப்தா).
- ஜமீன்தார்களுக்கு எதிராக வரி கொடா இயக்கம் – ஆந்திர விவசாயிகள்.
- சிராலா-பேரலாவின் மொத்த மக்களும் வரி செலுத்த மறுத்து, மொத்தமாக நகரத்தை காலி செய்தனர்.
- தமிழ்நாட்டில் ஒத்துழையாமை இயக்கத்திற்கு தலைமை தாங்கியவர்கள் – சி.ராஜகோபாலாச்சாரி, எஸ்.சத்தியமூர்த்தி மற்றும் பெரியார் ஈ.வெ.ரா.
- ஜென்மி எதிர்ப்புப் போராட்டங்கள் – கேரளா.
அஹமதாபாத் காங்கிரஸ் அமர்வு 1921
- மௌலானா ஆசாத் சிறையில் இருந்தபோதும் அவர் காங்கிரஸ் தலைவராக இருப்பார் என்று ஒப்புக்கொள்ளப்பட்டது. ஒத்துழையாமை இயக்கம் முழுவதுமாக காந்தியின் கைகளில் ஒப்படைக்கப்பட்டது.
- பிப்ரவரி 1, 1922 அன்று, அரசாங்கம் பத்திரிகை சுதந்திரத்தை உறுதிசெய்வதோடு ஏழு நாட்களுக்குள் கைதிகளை விடுவிக்காவிட்டால், சட்டமறுப்பு இயக்கத்தை தொடங்குவதோடு வரிகொடா இயக்கத்தையும் ஆரம்பிக்கப்போவதாக பர்தோலியில் காந்தி கெடு விதித்தார்.
வன்முறையான இரண்டு கிளர்ச்சிகளும்
- கடலோர ஆந்திராவின் ரம்பா பகுதியில் அல்லூரி சீதாராம ராஜு தலைமையில் பழங்குடியினர் கிளர்ச்சி செய்தனர்.
- ஆங்கிலேயர்கள் 1865 ஆம் ஆண்டு முதலாவது வனச்சட்டத்தை நிறைவேற்றினார்கள். சுள்ளி எடுப்பது, கால்நடைத் தீவனம் மற்றும் தேன். விதைகள், மருத்துவ மூலிகைகள், கொட்டைகள் ஆகிய சிறிய அளவிலான வன உற்பத்திப் பொருட்களையும் வனப்பகுதிகளில் இருந்து சேகரிக்க இந்தச் சட்டம் வனத்தில் வாழ்வோருக்கு தடைவிதித்தது.
- 1878ஆம் ஆண்டின் இந்திய வனசட்டத்தின்படி வனங்களின் உரிமை அரசிடம் இருந்தது. நன்செய் மற்றும் தரிசு நிலங்களும் வனங்களாக கருதப்பட்டன.
- பழங்குடியினர் பயன்படுத்திய சுழற்சி முறை விவசாயம் தடைசெய்யப்பட்டது. உள்ளூர் மக்களின் கட்டுப்பாட்டில் இருந்து வனப்பகுதிகளை தள்ளி வைப்பதற்கு பாதிக்கப்பட்ட ஆதிவாசிகளும் தேசியவாதிகளும் கடும் எதிர்ப்பு தெரிவித்தனர்.
- கிழக்கு தொடர்ச்சி மலைப்பகுதிகளில் இருந்த (விசாகப்பட்டினம் மற்றும் கோதாவரி மாவட்டங்களைச் சேர்ந்து ஆதிவாசி பகுதிகளை தனது இல்லமாக கருதிய அல்லூரி சீதாராம ராஜு அங்கிருந்து ஆதிவாசிகளுக்காக உழைத்தார்.
- அல்லூரி சீதாராம ராஜு அவர்களால் ஒருங்கிணைக்கப்பட்ட ஆதிவாசிகள் கடுமையான வறுமையில் வாடினார்கள்.
- மான்யம் என்றழைக்கப்பட்ட வனப்பகுதியில் காவல்துறை, வனத்துறை மற்றும் வருவாய்துறை அதிகாரிகளால் அவர்கள் துன்புறுத்தப்பட்டனர்.
- ராம்பா பகுதி ஆதிவாசிகளின் நலன் காப்பதற்காக ஊழல் அதிகாரிகளுடன் அல்லூரி சீதாராம ராஜு போராடியதால் அவரது உயிரைக் குறிவைத்து ஆங்கிலேய அரசு நடவடிக்கை எடுக்கத் தொடங்கியது.
- ராம்பா ஆதிவாசிகளின் கிளர்ச்சியை அடக்குவதற்காக (1922-24) மலபார் காவல்துறையின் சிறப்புக்குழு அனுப்பி வைக்கப்பட்டது.
- வனவாசிகளின் நலனுக்காகப் போராடிய அல்லூரி சீதாராம ராஜு தியாகி ஆனார்.
2. மலபார் முஸ்லீம் மாப்பிள்ளை விவசாயிகள் உயர் சாதி நில உரிமையாளர்கள் மற்றும் பிரிட்டிஷ் அரசுக்கு எதிராக ஆயுதமேந்திய கிளர்ச்சியில் ஈடுபட்டனர்.
சௌரி சௌரா சம்பவம்
- உ.பி.யின் கோரக்பூர் மாவட்டத்தில் உள்ள சௌரி-சௌரா என்ற கிராமத்தில், 5 பிப்ரவரி 1922 அன்று, 3000 பேர் கொண்ட காங்கிரஸ் கூட்டத்தின் மீது துப்பாக்கி சூடு நடந்தது. ஆத்திரமடைந்த மக்கள் காவல் நிலையத்திற்கு தீ வைத்தனர் இதில் 22 காவலர்கள் கொல்லப்பட்டனர்.
- இந்தச் சம்பவம் ஒத்துழையாமை இயக்கத்தை நிறுத்துவதாக காந்தியை அறிவிக்கச் செய்தது.
- ஜவஹர்லால் நேரு மற்றும் சுபாஸ் போஸ் இருவரும் காந்தியை விமர்சித்தனர்.
- காந்தி கைது செய்யப்பட்டு 6 ஆண்டுகள் சிறைத்தண்டனை விதிக்கப்பட்டு 1924ல் விடுவிக்கப்பட்டார்.
தமிழ்நாட்டில் வரி கொடா இயக்கம்
- தஞ்சாவூரில் வரி கொடா பிரச்சாரம் நடந்தது.
- சபைகள், பள்ளிகள் மற்றும் நீதிமன்றங்கள் புறக்கணிக்கப்பட்டன.
- வெளிநாட்டு பொருட்கள் புறக்கணிக்கப்பட்டன.
- தமிழ்நாட்டின் இயக்கத்தின் முக்கிய அம்சங்களில் ஒன்று மதுவுக்கு எதிரான இயக்கம்.
- நவம்பர் 1921 இல் சட்டமறுப்பிற்கு ஏற்பாடு செய்ய முடிவு செய்யப்பட்டது.
- ராஜாஜி, சுப்பிரமணிய சாஸ்திரி, ஈ.வெ.ரா ஆகியோர் கைது செய்யப்பட்டனர்.
- 1922 ஜனவரி 13 அன்று வேல்ஸ் இளவரசரின் வருகை புறக்கணிக்கப்பட்டது.
காந்தியின் ஆக்கபூர்வமான திட்டம்
- சௌரி சௌரா சம்பவத்திற்குப் பிறகு, தன்னார்வலர்களும் மக்களும் அகிம்சை வழிப் போராட்டத்திற்குப் பயிற்றுவிக்கப்பட வேண்டும் என்று காந்தி கருதினார்.
- இந்த முயற்சியின் ஒரு பகுதியாக காதி, இந்து-முஸ்லிம் ஒற்றுமை மற்றும் தீண்டாமை ஒழிப்பு ஆகியவற்றில் கவனம் செலுத்தினார்.
- காங்கிரஸ்காரர்களுக்கு அவர், “உங்கள் மாவட்டங்கள் முழுவதும் சென்று கதர் செய்தி, இந்து-முஸ்லிம் ஒற்றுமை செய்தி, தீண்டாமை எதிர்ப்பு செய்தியை பரப்பி, நாட்டின் இளைஞர்களை சுயராஜ்யத்தின் உண்மையான வீரர்களாக ஆக்குங்கள்.”
- இந்த நோக்கங்களை அடையாமல் சுயராஜ்ஜியத்தை அடைய முடியாது என்று காந்தி நம்பினார்.
- அனைத்து காங்கிரஸ் உறுப்பினர்களும் கதர் அணிவதைக் கட்டாயமாக்கினார்.
- அகில இந்திய கைத்தறி நெசவாளர் சங்கம் உருவாக்கப்பட்டது.