மின்னுட்டம் மற்றும் மின்சுற்று பற்றி விரிவாக எழுதுக.

மின்னோட்டத்தின் வரையறை

• மின்னோட்டம் I என்னும் எழுத்தால் குறிக்கப்படுகிறது. கடத்தி ஒன்றின் ஒரு பகுதியின் வழியே மின்னூட்டங்கள் பாயும் வீதம் மின்னோட்டம் என வரையறுக்கப்படுகிறது.
• அதாவது ஓரலகு நேரத்தில் கடத்தியின் ஒரு குறுக்கு வெட்டுப் பகுதியை கடந்து செல்லும் மின்னூட்டங்களின் அளவு மின்னோட்டமாகும். ஒரு கடத்தியின் குறுக்கு வெட்டுப் பகுதி வழியாக Q அளவு மின்னூட்டம் ” காலத்தில் கடந்து சென்றால் அதில் பாயும் மின்னோட்டமானது

I = Q/t

மின்னோட்டத்தின் SI அலகு

மின்னோட்டத்தின் SI அலகு ஆம்பியர் (A), ஒரு கூலும் மின்னூட்டம் ஒரு விநாடி நேரத்தில் கடத்தியின் எதாவது ஒரு குறுக்குவெட்டுப் பகுதி வழியாக கடந்து செல்லும் போது அக்கடத்தியில் பாயும் மின்னோட்டம் ஒரு ஆம்பியர் என வரையறை செய்யப்படுகிறது. எனவே

1 ஆம்பியர் = 1 கூலும் / 1 விநாடி

மின்சுற்று

• மின்சுற்று என்பது மின்னோட்டத்தை தன் வழியே செல்ல அனுமதிக்கும் பல மின் கூறுகளின் வலையமைப்பு கொண்டு உருவாக்கப்பட்ட ஒரு மூடிய சுற்று அல்லது பாதையாகும். மின்சாதனங்களையும் மின்னூட்டத்தின் மூலமான மின்கலத்தையும் இணைக்கும் பாதைகளாக மின்கம்பிகள் பயன்படுத்தப்படுகின்றன. மின்கலம், மின் விளக்கு, சாவி ஆகியவைகளைக் கொண்டு உருவாக்கப்பட்ட மின்சுற்று
• இந்த மின்சுற்றில் சாவி மூடியிருக்கும் போது மின்விளக்கு ஒளிர்கிறது. சாவி திறந்திருக்கும் போது மின்விளக்கு ஒளிராது.
• எனவே, மின்னோட்டம் செல்வதற்கு அதன் சுற்றுப்பாதை மூடப்பட வேண்டும். மின்னோட்டம் பாய்வதற்கு தேவையான மின்னழுத்த வேறுபாட்டினை மின்கலம் வழங்குகிறது.

Also Read

• Elements and Compounds / தனிமங்களும் சேர்மங்களும்
• Carbon / கார்பன் 
• Nitrogen and their compounds / நைட்ரஜன் மற்றும் அதன் சேர்மங்கள்
• Fertilizer / உரங்கள் 
• Pesticides / களைக்கொல்லி
• Insecticides / பூச்சிக்கொல்லி
• Blood and blood circulation / இரத்தம் மற்றும் இரத்த சுழற்சி மண்டலங்கள் 
• Endocrine system reproductive system / நாளமில்லா சுரப்பி மண்டலம், இனப்பெருக்க மண்டலம்  
• Nature of universe / பேரண்டத்தில் இயல்புகள்
• General Scientific Law / பொது அறிவியல் விதிகள்
• Heat, Light and Sound /  ஒளி,ஒலி மற்றும் வெப்பம்