கீரைப்பாத்தியும் குதிரையும் (இரட்டுற மொழிதல்)

காளமேகப்புலவர்

• காளமேகப்புலவரின் இயற்பெயர் வரதன்.
• மேகம் மழை பொழிவது போல கவிதைகளை விரைந்து பாடியதால் இவர் காளமேகப்புலவர் என்று அழைக்கப்பட்டார்.
• காளமேகப்புலவரின் தனிப்பாடல்கள் தனிப்பாடல் திரட்டு என்னும் நூலில் இடம் பெற்றுள்ளன.

காளமேகப்புலவர் எழுதியுள்ள நூல்கள்

• திருவானைக்கா உலா
• சரசுவதி மாலை
• பரபிரம்ம விளக்கம்
• சித்திர மடல்

தனிப்பாடல் திரட்டு நூலிலிருந்து காளமேகப்புலவரின் ஒரு பாடல் இங்குத் தரப்பட்டுள்ளது.

கீரைப்பாத்தியும் குதிரையும் (இரட்டுற மொழிதல்) –  காளமேகப்புலவர்

பாடல்

கட்டி அடிக்கையால் கால்மாறிப் பாய்கையால் வெட்டி மறிக்கின்ற மேன்மையால்

முட்டப்போய் மாறத் திரும்புகையால் வண்கீரைப் பாத்தியுடன் ஏறப் பரியாகுமே

– காளமேகப்புலவர்

பாடலின் பொருள்

கீரைப்பாத்தி

• மண் கட்டிகளை அடித்துத் தூளாக்குவர்
• மண்ணை வெட்டித் தடுத்துப் பாத்திகளாக்கி வைத்திருப்பர்.
• வாய்க்காலில் மாறி மாறி நீர் பாய்ச்சுவர்.
• நீர் கடைமடையின் இறுதி வரை சென்று மாற்றி விடத் திரும்பும்.
• இக்காரணங்களால் கீரைப் பாத்தியும், ஏறிப்பயணம் செய்யும் குதிரையும் ஒன்றாகக் கருதப்படும்.

குதிரை

• வண்டிகளில் கட்டி, அடித்து ஓட்டப்படும்.
• கால் மாறிமாறிப் பாய்ந்து செல்லும்
• எதிரிகளை மறித்துத் தாக்கும்
• போக வேண்டிய இடம் முழுவதும் சென்று மீண்டும் திரும்பி வரும்.

சொல்லும் பொருளும்

கால் – வாய்க்கால், குதிரையின் கால்

வண்கீரை – வளமான கீரை

மறித்தல் – தடுத்தல் (மண்ணை வெட்டித் தடுத்துப் பாத்தி கட்டுதல்), எதிரிகளைத் தடுத்துத் தாக்குதல்

முட்டப்போய் – முழுதாகச் சென்று

பரி – குதிரை

தனிப்பாடல் திரட்டு (சிலேடை கவிதை) – சுந்தர் கவிராசர்

“மரமது(1) மரத்தில்(2) ஏறி                    

 மரமதை(3) தோளில் வைத்து        

மரமது(4) மரத்தைக்(5) கண்டு                

மரத்தினோல்(6) மரத்தைக்(7) குத்தி

மரமது(8) வழியே சென்று

வளமனைக் கேகும் போது

மரமது(9) கண்ட மாதர்                           

மரமுடன்(10) மரம்(11) எடுத்தார்”        

 – சுந்தர் கவிராசர்

1.அரன் (அரச மரம்)

2.மா- குதிரை (மாமரம்)

3. வேல்(கருவேலம்)

4.அரசன்                               

5.புலி (வேங்கை)

6.வேல்

7.புலி (வேங்கை)

8.காட்டு வழி

9.அரசன்

10.ஆல் (ஆல மரம்)

11 அத்தி (அத்தி மரம்)

குறிப்பு: ஆல் + அத்தி – ஆரத்தி *

முந்தைய ஆண்டு வினாக்கள்

‘கவி காளமேகம்’ எந்த சமயத்திலிருந்து எந்த சமயத்திற்கு மாறினார்?
(A) சைவத்திலிருந்து சமணத்திற்கு மாறினார்
(B) சைவத்திலிருந்து வைணவத்திற்கு மாறினார்
(C) வைணவத்திலிருந்து சைவத்திற்கு மாறினார்
(D) வைணவத்திலிருந்து பௌத்தத்திற்கு மாறினார்