ஒளவையார்
- அதியமானிடம் நட்புப் பாராட்டிய ஔவை அவருக்காகத் தூது சென்றார், அரசவைப் புலவராக இருந்து அரும்பணியாற்றியவர்.
- நமக்குக் கிடைத்துள்ள ஔவை பாடிய 59 பாடல்கள் விபரம்
- அகநானூற்றில் – 4
- நற்றிணை – 7
- குறுந்தொகையில் – 15
- புறநானூற்றில் – 33
மொத்தம் – 59
பாடல் – 206
வாயி லோயே! வாயி லோயே!
வள்ளியோர் செவி முதல் வயங்கு மொழி வித்தித் தாம் உள்ளியது முடிக்கும் உரனுடை உள்ளத்து
வரிசைக்கு வருந்தும் இப் பரிசில் வாழ்க்கைப் * *
பரிசிலர்க்கு அடையா வாயி லோயே!
கடுமான் தோன்றல் நெடுமான் அஞ்சி தன் அற
கொல்? என் அறியலன் கொல்? *
பா வகை : நேரிசை ஆசிரியபா
அறிவும் புகழும் உடையோர் மாய்ந்தென, வறுந்தலை
உலகமும் அன்றே அதனால்
காவினெம் கலனே. சுருக்கினெம் கலப்பை, மரங்கொல் தச்சன் * *
கைவல் சிறாஅர் மழுவுடைக் காட்டகத்து அற்றே எத்திசைச் செலினும், அத்திசைச் சோறே*
சொல்லும் பொருளும்
- வாயிலோயே – வாயில் காப்போனே
- வள்ளியோர் – வள்ளல்கள்
- வயங்குமொழி – விளங்கும் சொற்கள்
- வித்தி – விதைத்து
- உள்ளியது – நினைத்தது
- உரன் – வலிமை
- வறுந்தலை – வெறுமையான இடம்
- காவினெம் – கட்டிக்கொள்ளுதல்
- கலன் – யாழ்
- மழு – கோடரி
- கலப்பை – கருவிகளை வைக்கும் பை
பாடலின் பொருள்
- வாயில் காவலனே! வாயில் காவலனே!
- புலவர்களாகிய எங்களைப் போன்றவர்களின் வாழ்நிலை. வள்ளல்களை அணுகி அவர்தம் செவிகளில் அறிவாரந்த சொற்களைத் துணிச்சலுடன் விதைத்துத் தாம் எண்ணியதை முடிக்கும் வலிமையுடையது
- அதேவேளையில் அவ்வள்ளல்கள் பற்றித் தாம் எழுதிய கவிதையின் சிறப்பை அறிந்து பரிசளிக்க வேண்டுமே என நினைந்து வருந்தும் தன்மையைக் கொண்டது.
- பரிசிலர்களை அடைக்காத காவலனே! விரைந்து ஓடும் குதிரையைக் கொண்ட நெடுமான் அஞ்சி, தன்னுடைய தகுதியை அறியானோ?
- அவனை நம்பித்தான் இவ்வுலகில் வறுமை நிலையில் உள்ளார் வாழ்கின்றனர் என்னும் நினைப்புப் போலும் இவ்வுலகில், அறிவும் புகழும் உடையோர் இன்னும் மாய்ந்துவிடவில்லை.
- இந்த உலகமும் வெற்றிடமாகிவிடவில்லை. எங்களை அறிந்து பரிசில் தரப் பலபேர் உள்ளனர். ஆகவே, எம் யாழினை எடுத்துக்கொண்டோம்; கருவிப்பையையும் சுருக்கிட்டுக் கட்டிக்கொண்டோம். மரம்வெட்டும் தச்சனின் தொழில் வல்ல பிள்ளைகள், கோடாரியுடன் காட்டுக்குச் சென்றால் அவர்கள் வெட்டுவதற்கு ஏதாவது ஒரு மரம் கிடைக்காமலா போகும் ?
- அதுபோல, கலைத்தொழில் வல்ல எங்களுககும் இவ்வுலகில் எத்திசையில் சென்றாலும் அத்திசையில் உணவு, தவறாமல் கிட்டும்.
பாடலில் உள்ள உவமைகள்
- பரிசிலர்க்குச் – சிறுவர்
- கல்விக்குக் – கோடாரி
- போகும் திசைக்குக் – காடு
- உணவுக்குக் – காட்டில் உள்ள மரங்கள்.
மேலே கொடுக்கப்பட்ட தகவல்கள் உங்களுக்கு பயனுள்ள வகையில் உள்ளது என்று நம்புகிறோம்.இதில் ஏதேனும் மாற்றங்கள் அல்லது சேர்க்கவேண்டிய தகவல் இருந்தால் கீழே பின்னூட்டத்தில் தெரிவித்து இந்த பகுதியை மேலும் பயனுள்ள வகையில் மாற்ற எங்களுக்கு நீங்கள் உதவலாம்.