லக்னோ மாநாடு – காங்கிரஸ் ஒன்றினைவு – 1916
- 1916ஆம் ஆண்டு லக்னோ மாநாட்டிற்கு தலைமை ஏற்றவர் – அம்பிகா சரண் மஜும்தார்.
- லக்னோ மாநாட்டிற்கு தலைமை ஏற்ற அம்பிகா சரண் மஜும்தார் தீவிர தேசிய தலைவர்களை வரவேற்றார்.
- “பத்தாண்டு கால வலி தந்த பிரிவுக்குப் பிறகு ஒன்றுபட்டால் உண்டு வாழ்வு, ஒற்றுமை நீங்கிப் பிரிந்தால் அனைவருக்கும் தாழ்வு என்பதை இந்திய தேசிய காங்கிரஸ் உணர்ந்து, சகோதரர்கள் தங்களுடைய சகோதரர்களைக் கடைசியில் சந்தித்துவிட்டனர்…” எனக் கூறியவர் – அம்பிகா சரண் மஜும்தார்.
லக்னோ ஒப்பந்தம் – 1916
- 1916ஆம் ஆண்டு காங்கிரஸ், முஸ்லிம் லீக், தன்னாட்சி இயக்கம் ஆகியன தங்களுடைய வருட மாநாடுகளை லக்னோவில் நடத்தியதால் முக்கியத்துவம் பெற்றது.
- அக்டோபர் 1916ல் இம்பீரியல் சட்டப் பேரவைக்குத் தேர்ந்தெடுக்கப்பட்ட இந்து மற்றும் முஸ்லிம் உறுப்பினர்கள் போருக்குப் பிந்தைய சீர்திருத்தங்கள் குறித்து வலியுறுத்தினர்.
- 1916ஆம் ஆண்டு நவம்பர் மாதம் கல்கத்தாவில் காங்கிரசும் முஸ்லிம் லீக்கும் சந்தித்து இந்த கடிதம் குறித்து விவாதித்தன.
- சட்டப்பேரவையின் கட்டமைப்பு, போருக்குப் பிந்தைய சூழலில் இரண்டு சமூகங்களுக்கும் அனுமதிக்கப்பட வேண்டிய பிரதிநிதித்துவத்தின் எண்ணிக்கை ஆகியன குறித்து இரு கட்சிகளும் ஒப்புக்கொண்டன.
- இதற்கு இணையாகத் திலகரும் அன்னிபெசண்ட் அம்மையாரும் தன்னாட்சி குறித்து அறிவுறுத்தினர்.
- நவம்பர் 1916ல் கல்கத்தாவில் ஏற்றுக்கொள்ளப்பட்ட ஒப்பந்தங்கள் டிசம்பர் 1916ல் நடந்த காங்கிரஸ் மற்றும் முஸ்லிம் லீக்கின் வருடாந்திர மாநாடுகளில் உறுதி செய்யப்பட்டன.
- காங்கிரஸ்– லீக் ஒப்பந்தம் என்று பிரபலமாக அழைக்கப்பட்ட ஒப்பந்தம் – லக்னோ ஒப்பந்தம்.
- லக்னோ ஒப்பந்தத்தின் கீழ் காங்கிரஸ் மற்றும் முஸ்லிம் லீக்-ஐ ஒன்றிணைப்பதில் அன்னிபெசண்ட் அம்மையாரும் திலகரும் முக்கியப் பங்காற்றினார்கள்.
லக்னோ ஒப்பந்தத்தின் அம்சங்கள்
- இந்து–முஸ்லிம் ஒற்றுமைக்கும் விடுதலை இயக்கத்துக்கும் வழிவகுத்தது – லக்னோ ஒப்பந்தம்.
- லக்னோ ஒப்பந்தத்தின் தலைமைச் சிற்பி – ஜின்னா.
- “இந்து–முஸ்லிம் ஒற்றுமையின் தூதர்” – ஜின்னா என்று சரோஜினி அம்மையார் அழைத்தார்.
- மத்திய மற்றும் மாகாண சட்ட மேலவைகளின் உறுப்பினர்களில் 4/5 பங்கு நபர்கள் தேர்ந்தெடுக்கப்பட வேண்டும், 1/5 பங்கு நபர்கள் நியமனம் செய்யப்பட வேண்டும்
- மத்திய மற்றும் மாகாண சட்டப் பேரவைகளின் 4/5 உறுப்பினர்கள் பரந்துபட்ட வாக்குப் பதிவின் மூலம் தேர்ந்தெடுக்கப்பட வேண்டும்.
- மத்திய நிர்வாக சபை உட்பட நிர்வாக சபை உறுப்பினர்களில் 1/2 பங்கு நபர்கள் அந்தந்த சபைகளின் மூலமாகத் தேர்ந்தெடுக்கப்பட்ட இந்தியர்களாக இருக்க வேண்டும்.
- மாகாண சபைத் தேர்தல்களில் முஸ்லிம்களுக்கு தனித் தொகுதிகள் வழங்க காங்கிரசும் ஒப்புக்கொண்டது.
- தங்களது சபைகள் நிறைவேற்றிய தீர்மானங்களுக்கு ஏற்ப மாகாண மற்றும் மத்திய அரசுகள் நடக்க கடமைப்பட்டுள்ளன
- கவர்னர் ஜெனரல் அல்லது ஆளுநர் சபைகளின் தடுப்பாணை அதிகாரம் பெறும் பட்சத்தில் அந்தத் தீர்மானம் ஓராண்டுக்கும் குறைவான இடைவெளியில் மீண்டும் நிறைவேற்றப்படும் பட்சத்தில் அது செயல்பாட்டுக்கு வரும்.
- இந்திய அரசுக்கும் வெளியுறவு அமைச்சருக்கும் உள்ள உறவுகளும் தன்னாட்சி (டொமினியன்) தகுதியுடைய பகுதியின் காலனி செயலருக்கும் இந்தியாவுக்கும் உள்ள உறவுகளும் ஒத்திருக்கவேண்டும்.
- ஏகாதிபத்திய அரசு அலுவல்களுடன் தொடர்புடைய எவரும் சமநிலை பெற்றிருக்க வேண்டும்.
- காங்கிரஸ் மற்றும் லீக்கில் இருந்த படித்த வகுப்பினர் ஒரு பொதுவான குறிக்கோளுடன் இணைந்து செயல்பட முடியும் என்பதை லக்னோ உடன்படிக்கையானது நிரூபித்தது.
- இந்த ஒற்றுமை கிலாஃபத் மற்றும் ஒத்துழையாமை இயக்கத்தின் போது அதன் உச்சத்தை அடைந்தது.
- முதல் உலகப் போரும் இந்திய முதலீட்டாளர்களுக்கு பிரிட்டனின் சலுகையும்
- இந்திய விடுதலைப் போரில் முதல் உலகப் போரின் தாக்கம்
- மாண்டேகு – செம்ஸ்போர்டு சீர்திருத்தங்கள் – 1919
- ரௌலட் சட்டம் – 1919
- ஜாலியன் வாலாபாக் படுகொலை – 1919